Пикантна паштета од пилешки џигерчиња, кремаст и превкусен предлог за појадок, вечера или мала закуска. Не содржи адитиви ниту конзерванси и затоа мора да се чува во фрижидер. Поради специфичноста на вкусот кој го има пилешкиот џигер препорачливо е додавање на разни зачини по желба.

Во тава ставаме 3 лажици маслиново масло, сецкан кромид и лук и пола чаша вода па целата смеса се динста. Откако кромидот ќе омекне се додава џигерот и се динста додека не испари течноста.

Морковите ги чистиме и вариме а во исто време се вари и јајцето. Краставичките ги сецкаме на парчиња и заедно со морковот и јајцето ги ставаме во блендер. Изблендираните состојки ги ставаме на страна во чинија.

Оладениот џигер го блендираме и додаваме во смесата малку вода, а исто така ги додаваме и зачините, сенфот, путерот од кикирики и две лажици маслиново масло. Убаво ги блендираме сите состојки се до добивање на мазна смеса. Готовата паштета ја ставаме во тегла и врз неа го поливаме растопениот путер. Путерот се става за подобрување на вкусот на џигерот и му дава подобар шмек.

Паштетата конзумирајте ја со домашно лепче направено од интегрално брашно или од јаткасти плодови. Како прилог за декорација може да ставите лист марула, домат или краставица.
Се надевам дека ви се допадна денешниот рецеп, уживајте!