Готвењето е уживање за мене а се надевам дека ве има многу како мене. Без разлика што готвам, дали е тоа солено или благо, со иста желба сум за нешто убаво, интересно и необично. По интернет исто така барам интересни рецепти и необични, па обавезно ги правам. Така и овој рецепт го видов на некоја страна и еве го направив.

Компирот го лупите и сечете на тркалца, ставате во длабок сад. Го зачинувате со сув зачин ( вегета ),мелен црн бибер, убаво промешувате со раце за да сите сечени компири примат од зачините.

Во друг сад го сипаме презлето и едно по едно парче компир го валкате во презлето и редите во подмачкан плех. Може и да ставите мрсна хартија а врз неа сипате масло за јадење. Сите компири ги правите на ист начин и ги редите скаласто во плех како на слика.

Врз компирите ставате парче маргарин или путер како сакате. Во предходно загреана рерна го ставате плехот со компирчињата. Ги печеме додека не поруменат и станат крцкави. Превкусни компири со презла мммм. Може да ги служите со некое месо или со џигерче како што јас подготвив, пилешко џигерче.