Постојат многу рецепти за пити, меѓутоа секоја се разликува, бар малку. Така и во оваа има нешто интересно. Лесно за правење, необичен фил, крцкава, се топи во уста. Се надевам дека ќе уживате. Толку е вкусна што ќе ја правите често.

Во тава ставаме масло за јадење и го ставаме предходно исчистениот и исецканиот праз да се пржи. Меленото месо го додаваме во тавата и го пржиме со празот, зачинуваме и побиберуваме. После 15тина минути ја тргаме тавата од плотната и ја оставаме да се олади.

Се замесува тесто од брашно, млака вода и 2 лажички сол. Одкако ќе се замеси средно меко тесто се дели на два дела, од кои едниот поголем, а другиот помал.

Ја земаме поголемата кора и ја сукаме со сукало колку потенко можеме, и премачкуваме со дебел слој на маргарин предходно оставен на собна температура. Ја тргаме кората на страна. Ја земаме другата кора и нејзе ја мачкаме со маргарин и ја оставаме на страна.

Ја зимаме првата кора и со раце ја растегнуваме колку што можеме потенко, зимаме нож и ја сечеме од крај према средина како полжав. Почнуваме со мотање на кората од крајот према средина како ролат. Потоа ја зимаме помалата кора и нејзе исто така ја мачкаме со маргарин и ја мотаме во ролат.

Плехот, во кој ќе ја печеме питата го премачкуваме со маргарин. Поголемата кора се расукува со сукало, малку поголема од плехот, потоа ја ставаме во плехот и врз неа го ставаме филот.Втората кора исто така ја расукуваме али во величина на плехот и ја покриваме питата. Правиме витка и питата ја попрскуваме со масло за јадење и рендаме кашкавал, потоа ја ставаме во рерна да се пече на 180 степени околу30 мин.