Лебот е една од основните намирници, традиционална за нашиот балкански начин на исхрана. Постојат стотици идеи и начини за подготовка на различни видови на леб меѓу кои се оние од бело брашно, интегрално, ржано, хељдино и др. Има разни варијации на подготовка со различни додатоци во нив која го прават вкусот на лебот специфичен како на примен додавање на разни семиња, јаткасти плодови и разни зачини по вкус. Мојот предлог за вашата трпеза е леб кој е многу ароматичен и превкусен благодарејќи на една од клучните состојќи, односно ким.

Приготвување на тестото

Во длабок сад го ставаме брашното, сувото нане, издробено суво пиперче, лен и ким. Сето тоа убаво се промешува. На страна во друг сад ставаме млака вода, шеќер и квасец и се остава да стаса. Одкако ќе стаса квасецот го додаваме заедно во сад со брашно. Посипуваме млака вода и со рака го замесуваме тестото се додека не добиеме меко и мазно тесто.

Замесување на тесто

Тестото го покриваме со куијнска крпа и го оставаме да стаса околу еден час. Кога тестото ќе стаса и дупло ќе се зголеми неговиот волумен, се префрла на работна маса која претходно сме ја наросиле со брашно. Убаво го замесуваме тестото и го оформуваме спрема плехот во кој што ќе го печеме лепчето.

Печење на лепчето

Тркалезното плехче го мачкаме со масло за јадење и побрашнуваме. Готовото тесто го ставаме во плехчето и го печеме на 200 степени околу 30 мин.

Препорака

Ова лепче со сигурност ќе стане едно од омилените варијации на леб кој некогаш сте го пробале. Просто ќе ве намами прекрасната арома на кимот, а по првиот залак веќе ќе го осетите и пикантниот вкус кој потекнува од црвеното пиперче. Никогаш не практикувајте конзумирање на леб веднаш по печењето додека лебот е сеуште врел бидејќи топлината може да ви предизвика проблем со желудникот. Место бело брашно експериментирајте со други видови на брашно, како што е интегрално, хељдино и др. Овие видови брашна се многу поздрави, и содржат многу минерали, витамини, како оние од Б групата, но исто така е зачуван и процентот на диетални влакна кои во целост многу подобро ќе влијаат врз вашето тело во споредба со белото брашно.

Пријатен апетит!