Во сад го додаваме млекото и маслото. Матиме се додека не добиеме хомогена течна смеса. Оваа смеса ќе ја искористиме за премачкување на корите, а останатиот дел ќе го искористиме за премачкување пред печење.
Во друг сад ги рендаме саламата и кашкавалот, притоа додаваме малку сол и црн бибер. Ги измешуваме да добиеме хомогена мешавина.

Започнуваме со редење на корите. Притоа, премачкуваме со течната смеса од млеко и масло после секоја кора. Во еден бурек треба да имаме четири слоја од кори.

Откако ќе наредиме четири слоја, притоа измачкувајќи помеѓу, одиме на следниот чекор. Со нож го сечеме снопот кори на квадратни форми. Најпрво вертикално, па потоа хоризонтално сечеме редови со димензии до 10тина сантиметри.

Вака подготвените кори ги наросуваме со филот од салама и кашкавал. Краевите ги превиткуваме, но притоа оставаме отвор на средината. Отворот ќе овозможи кашкавалот да се запече и добие крцкав и феноменален слој при печењето.

Во останатата течна смеса од млеко и масло го додаваме јајцето. Матиме за да се соедини, за да добиеме хомогена смеса. Секоја од превитканите кори се премачкува по целата површина.

Со малку масло премачкуваме плех за печење. Ги редиме бурек питите и печеме на температура од 250 целзиусови степени. Се пече се додека бурек питите не добијат жолто-руменикава боја.

Како за крај, послужете со малку павлака или пак кисели краставички. Секако, ова задовлоство е највкусно додека е топло бидејќи корите се крцкави.

Се надевам Ви се допадна овој брз и едноставен рецепт. Доколку сакате може да го измените филот за да добиете различен вкус. Може да искористите мелено месо, сирење или пак џем, крем и сл.