Лиснато и полулиснато тесто се користи за многу солени и благи производи. Од сосема едноставни намирници, до многу вкусни производи. Не е тешко да се направи дома, а одлично е што може да го припремите и да го замрзнете до некоја наредна прилика. Разлика помеѓу лиснатото и полулиснатото тесто е во тоа што во полулиснатото тесто додаваме квасец. Најубавото нешто, што се прави од полулиснато тесто се кроасани.

Квасецот го ставаме во пола шоља топло млеко, една лажичка шеќер и брашно, и оставаме да надојде. Во длабок сад го ставаме брашното, солта, надојдениот квасец и останатите состојки и го замесуваме средно меко тесто.

Тестото го делиме на 8 топчиња (а за помали кроасани на 16 топчиња), секое го расукуваме во тркалезна кора, ја премачкуваме со маргарин и 4 кори редиме една преку друга. Само последната кора не се мачка со маргарин.

Така на две места добиваме по 4 кори кои ги покриваме со кујнска крпа и оставаме 15 мин. Ја расукуваме првата кора и ја сечеме на 4, па повторно на 4. Од добиените триаголници ги правиме кроасаните и ги редиме во подмачкан плех. Така правиме и со другата кора. Кроасаните ги оставаме убаво да нараснат околу 1 час.

Откако убаво ќе нараснат кроасаните ги премачкуваме со разматено јајце и посипуваме со сусам. Ги печеме 20 минути во претходно загреана печка на 220 степени.

Кроасаните може да ги филувате по желба. Со сирење, печурки, или со домашен мармалад, афион, ореви и др.

Пријатен апетит!