Едно од најомилените јадења во летниот период ми е Рататур. Оваа традиционалното јадење потекнува од Франција. Се прави само од зеленчук, но може и со други додатоци во зависност од Вашата желба. Така јас додадов пире од компири и пилешки батачиња. Оваа прекрасно ароматично јадење со преубави бои е лесно и едноставно.

Пиперките се мијат и се ставаат во рерна да се печат. Одкако ќе се испечат се лупат и се чистат од семки, а потоа заедно со доматот се сецкаат на ситно. Вака исецканите домат и пипер ги ставаме во длабоко сад за готвење. Додаваме масло за јадење и сол по вкус. Откако ќе испари водата и ќе добиеме густа смеса, го тргаме садот од плотна и смесата ја ставаме во плех за печење.

Во сад за готвење додаваме две чаши вода и оставаме на оган да зоврие. Потоа го ставаме пирето во прав и убаво промешуваме. Во пирето ставаме вегета и една лажица путер, мешаме се додека не добиеме убава хомогена смеса. Во дру сад ставаме да се варат батачињата. На крај ги сечеме на тркалца тиквичките, доматите и модриот патлиџан.

Во плехот каде што го ставивме динстаниот зеленчуг го редиме зеленчугот кој што го сецкавме на тркалца. Се реди по краевите на плехот, притоа посолуваме и посипуваме масло за јадење. Пирето го ставаме на средина, а врз пирето ги редиме варените батаци.

Плехот го ставаме во рерна да се потпече на 250 степени околу 30 мин. Одкако ќе фати убава боја го вадиме од рерна и му ставаме сецкан магдонос и млад кромид.