Едноставни и лесни соленки за секоја прилика и прослави, кои се повкусни што повеќе стојат.Одозгора ставате семиња по вкус, јас сите семиња ги сакам и секогаш ставам од сите како сусам, ким, мак, лен.

Во длабок сад го ставате маргаринот и убаво изматете го со миксер.Квасецот го ставате во млака вода со малку шеќер да стаса потоа го ставаме во садот кај маргаринот и го додавате млекото, сол, масло за јадење и прашок за пециво.Убаво промешајте и додајте го брашното малку по малку и убаво замесете хомогено тесто.

Тестото го оставате да стаса и потоа го делите на четири дела. Секое го расукувате и сечете на ленти и секоја лента ја сечете на помали парчиња (може по ваша желба ).Парчињата ги редите во подмачкан плех, премачкувате со жолчка и ставате семе које што сакате.Одкако сте ги премачкали сите парчиња, плехот го ставате во загреана рерна и печете на 220 степени додека си добијат убава боичка.