Пилешкото месо го сечете на пола, па на долги парчиња. Во длабок сад ги матите јајцата и го додавате пченкарното брашно, обичното брашно и пецилни прашок.

Во истиот сад додавате масло за јадење и јогурт, убаво промешувате. Ја зачинувате смесата додаваеќи сол, вегета и мелен бибер.

И на крајот го додавате пилешкото бело месо кое предходно сте го исекле на парчиња. Убаво промешувате. Смесата е готова за солениот колач.

Зимате плех во кој ќе го печете колачот, го премачкувате со масло за јадење и посипувате брашно. Ја истурате смесата во плехот и посипувате со сусам. Колачот го печете на 250 степени околу 30 минути.