Денес решив да направам една необична торта за ден на жените 8 март. Овој рецепт од компири одамна сакав да го приготвам. Звучи интересно, ТОРТА ОД КОМПИР ха, некој ќе рече, ма каква е таа торта со компири….Мора да ја пробате и да се изненадите во убавиот вкус.

Компирот го ставате да се вари со се лушпа, оревите ги мелете а може и сецкани, и бисквитите ги мелете. Одкако компирот ќе се свари го лупите и го гмеците да направите пире.

Во изгмецениот компир уште додека е топол го ставате маргаринот и убаво промесувате да добиете хомогена смеса. Потоа ги додавате бисквитите, шеќерот во прав, оревите, ренданата кора од пороткал, ванилин шеќер и рум. Чоколадото го топите на пареа.

Смесата убаво ја замесувате, ако може така да кажеме, бидееќи треба убаво да се спојат состојките. Ја делите на два дела во едниот ставате растопеното чоколадо. Зимате калуп како што ви одговара и ставате прозирна фолија и ја ставате смесата внатре. Прво ја ставате белата смеса па чоколадната.

Ја покривате смесата со фолија и ја ставате 30 минути во фрижидер. После 30 минути ја вадите тортата од фрижидеро и ја превртувате на чинија, ја тргате фолијата. Потоа ја премачкувате со предходно разматената хопла, во која сте го ставиле растопеното чоколадо. Ја премачкувате тортата и украсувате по желба.