Се надевам името на оваа торта Ве натера да дојдете токму на ова место. Фантази торта е прилично едноставна и интересна за подготовка. Името на тортата е добиено од изгледот кој претставува необична комбинација од карамелизирани украси.

Тортата се карактеризира со вкус на пржен бадем и кремаста текстура. Одлично оди со црно кафе, чаша млеко, или пак виски.

Започнуваме со 50 гр. шеќер во прав и маргарин кои ги матиме со миксер во подлабок сад. Откако убаво ќе ја изматиме смесата го додаваме кремот и продолжуваме со мешање се додека не добиеме хомогена смеса. Следно, додаваме дел од оревите кои претходно се добро исецкани, а оставаме дел за украсување на тортата.

Фил од хопла

Во друг сад со миксер ја матиме хоплата и ја делиме на два дела. Во едниот дел ставаме дробени бадеми кои предходно сме ги пропржиле со шеќер. Другиот дел го оставаме за да ја премачкаме тортата.

Започнуваме со редење на корите за торта. По свој избор може да земете округли и правоаголни кори за да добиете повпечатлив изглед. Првите три кори се редат една врз друга, притоа премачкуваме од филот со крем кој го приготвивме на почетокот. Следно, продолжуваме со редење на останатите 3 кори, но овојпат премачкуваме со филот од хопла и пржени бадеми.

Откако ќе ги наредиме сите кори треба да ја премачкаме целата торта со бела хопла. Наросуваме мелени ореви по целата површина. На крајот украсуваме со карамелизиран шеќерчиња.

Преостанатиот шеќер го ставаме во сад да се растопи се додека не започне да ја менува бојата во жолто-кафена. Потоа земаме масна хартија, дополнително ја премачкуваме со масло, и посипуваме од растопениот шеќер, притоа формирајќи слободни форми. Откако шеќерот ќе се олади со нож ги одлепуваме формите, притоа пазиме да не се скршат. Украсуваме на површината на тортата. Пред да се конзумира, оставете ја тортата во ладилник да се затегне.